CCXII.

1349, Februar 16. o. O.

Schiedsspruch des Bischofs Preczlaw von Breslau in einer zwischen dem Kloster und dem Ritter Petrus Sandconis schwebenden Streitsache.

In nomine domini amen. Nos Preczlaus dei gracia episcopus Wratislaviensis, arbiter seu amicabilis compositor in causa seu causis inter religiosos viros fratres, dominum Zigardum (!) abbatem et suum conventum monasterii in Camencz ordinis Cisterciensis nostre diocesis ex una, et dominum Petrum Sandconis militem, parte ex altera, super villa Slabotindorph et silva Nydek vulgariter dicta, necnon super tribus fertonibus annui census in villa Schram, item duabus gazis, que "hutte" dicuntur in vulgari, vertentibus ac omnibus et singulis litibus, questionibus, dissensionibus quibuscunque hucusque inter eosdem habitis et que possent ratione premissorum inposterum suboriri, per prefatas partes unanimiter assumptus et electus unacum honorabilibus viris fidelibus nostris dilectis, scilicet domino Johanne de Donyn doctore decretorum ac Johanne de Waldow capitaneo Nysensi, nostris in hac parte coarbitris et eorum ratihabitione et consensu speciali, virtute compromissi in nos de alto et basso facti, partes per easdem, auditis hinc inde ipsarum partium propositis, solum deum pre oculis habentes, dicimus, arbitramur et pronuntiamus in hiis scriptis: Primo quod dicti . . abbas et conventus cum prefato Petro et ipse Petrus cum eisdem viceversa debent insimul esse boni et puri amici et unus alium mutuo pro­movere. Item dicimus et arbitramur, quod memorata villa Slobotindorph et silva Nydek, quas idem Petrus ab ipso monasterio usque ad vite sue tempora dumtaxat obtinet nomine gracie, debent mox post mortem ipsius Petri cum omnibus et singulis ipsius ville ac silve utilitatibus, fructibus et pertinentiis ac omni iure et dominio supremo et infimo, nichil excluso penitus, ad ipsum redire monasterium totaliter, libere et quiete. Et de hoc idem Petrus fratribus et monasterio predictis debet exnunc nostras litteras cum pendenti sigillo munitas ordinare. Preterea idem Petrus debet exnunc principaliter propter deum et recompensam beneficiorum sibi per dictum monasterium impensorum, tres fertones prenotatos annui census in villa Schram prelibata, quos etiam usque ad vite sue tempora ab ipso monasterio habere dignoscitur, ipsi monasterio libere ac perpetuo resignare et de eis cedere penitus et in totum. Item dicimus et arbitramur, quod de duabus gasis aurifodinarum, que "hutte" nuncupantur vulgariter, in fundo ipsius monasterii situatis, ipse Petrus et sui heredes seu successores legitimi, medium censum ex eisdem gasis proventurum tenere perpetim et habere debeant, quem admodum hactenus idem Petrus ipsum censum tenet, tenuit et possedit. Et si aliquod de inferiori gasa predicta, ipsi Petro preiudicium oreretur sive noxa, hoc dispositioni et correctioni nobilis viri, domini Henrici de Hugevicz erit per dictas partes committendum, ut ille, pensato nocumento, aut dictam gasam nocuam confringat vel faciat, quod fuerit consonum equitati. Que quidem omnia et singula pre­missa per nos arbitrata, dictata et pronunciata, eedem partes tunc presentes emologarunt, appro­barunt et unanimiter acceptarunt; nosque mandavimus et mandamus ea in omnibus suis articulis et capitulis super expressatis, ab utraque partium inperpetum observari. In quorum ominum testimonium et evidentiam firmiorem sigilla, nostrum episcopale et ipsorum coarbitrorum nostrorum presentibus sunt appensa. Latum et pronunciatum est hoc presens arbitrium feria secunda proxima post dominicam, que in ecclesia dei: Exurge quare, cantatur, anno domini millesimo trecentesimo quadragesimo nono.

Or. Perg. An Pergamentstreifen die guterhaltnen Siegel des Bischofs, des Joh. von Donin (zwei über's Kreuz gelegte vierzinkige Hirschstangen; vgl. das Werk: Die Donin's, Berlin 1876. Th. I. S. 265 flg. [Abbildungen von Doninschen Siegeln]) und des Joh. von Waldow (Helm mit fünf Fähnlein besteckt).

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.